Aqmola oblysynda jyl basynan beri 268 adamdy kene shaqty

KÓKShETAÝ. QazAqparat – Aqmola oblysynda jyl basynan beri 268 adamdy kene shaqty, onyń 69-y – 14 jasqa deıingi bala.

Aqmola oblysy sanıtarlyq-epıdemıologııalyq baqylaý departamenti baspasóz qyzmetiniń málimetinshe, jyl basynan beri óńirde kene entsefalıtiniń 5 jaǵdaıy tirkeldi.

Oblysta endemıkalyq aýdan Sandyqtaý aýdany, onda tek úsh jaǵdaı tirkeldi, Býrabaı jáne Zerendi aýdandarynda bir birden.

«Aqmola oblysynda jyl basynan beri 268 adamdy kene shaqty, onyń 69-y – 14 jasqa deıingi bala. Eger ótken jylmen salystyratyn bolsaq, onda osy ýaqyt ishinde tek 406 jaǵdaı tirkelgen. Oblysta kene entsefalıtine qarsy vaktsına bar. Bıylǵy jyly Aqmola oblysynda kene entsefalıtine qarsy 540 vaktsına satyp alyndy, oǵan qosa, byltyrǵydan qalǵan 189 doza bar. Oblys boıynsha barlyǵy 354 adam vaktsına aldy. Oblysta aqyly negizde vaktsınatsııa júrgizilmeıdi. Sonymen birge oblysta kene shaqqan adamdarǵa medıtsınalyq kómek kórsetýge arnalǵan kene entsefalıtine qarsy ımmýnoglobýlın bar», - dep túsindirdi sanıtarlyq-epıdemıologııalyq baqylaý departamenti basshysynyń orynbasary Serik Omarhanov. 

Aıtýynsha, oblys boıynsha jergilikti atqarýshy organdar tarapynan profılaktıkalyq dezınsektsııa jáne deratızatsııa júrgizýge 47 158 926 teńge bólinip otyr. Arshaly, Birjan sal, Býrabaı, Ereımentaý, Jaqsy, Qorǵaljyn, Sandyqtaý aýdandarynda profılaktıkalyq dezınfektsııalaýǵa jáne deratızatsııalaýǵa qarjy bólinbeıdi. 

Aıta ketsek, budan buryn 25 myńnan astam qazaqstandyq kene entsefalıtine qarsy josparly ekpe qabyldaǵanyn jazǵan edik.