Aqmola oblysynda jer zańnamasyn buzý faktileri anyqtaldy

ASTANA. KAZINFORM - Jeke tulǵanyń ótinishi boıynsha Ereımentaý aýdanynda jumys isteıtin ShQ-ǵa tekserý júrgizdi. Júrgizilgen tekserý qorytyndysy boıynsha memlekettik menshik jerlerdi óz betinshe ıelený, jerdi búldirý faktileri anyqtaldy, dep habarlaıdy AShM Jer resýrstaryn basqarý komıtetiniń Aqmola oblystyq departamenti. 

Ereımentaý aýdanynyń ákimdigi jeke menshik orman ósirý úshin 5 jyl merzimge 10 ga-ǵa jýyq jer bólgen. Tekserý sýbektisi óz aýmaǵynan tys memlekettik menshik jerlerde quqyqtyq qujattary joq 6 nysandy 0,31 ga aýmaqta ornatqan. 

Sharýashylyqqa qatysty ákimshilik is qozǵalyp, 1 aı merzimge jer ýchaskesin bosatý arqyly buzýshylyqtardy joıý týraly tapsyrma berildi.

Sharýashylyq jer ýchaskesinde shuńqyr qazyp, qabatty ashý jumystaryn júrgizip, joǵarǵy qunarly topyraq qabatyn alyp tastaǵan. Ólsheýler nátıjesinde shuńqyr aýmaǵynyń uzyndyǵy 0,0843 ga, tereńdigi 4 m ekeni anyqtaldy.

ShQ-ǵa qatysty ákimshilik is qozǵalyp, 3 aı merzimge anyqtalǵan buzýshylyqtardy joıý týraly tapsyrma berildi. ShQ-ǵa 1,5 mln. teńge kóleminde aıyppul salyndy.