Aqmola oblysynda jeńil kólik túıege soǵylyp, bir adam kóz jumdy
KÓKShETAÝ. KAZINFORM – Aqmola oblysynda joldyń ústine shyǵyp ketken túıeniń saldarynan jol- oqıǵasy oryn alyp, bir adam kóz jumdy.
Aqmola oblysy PD baspasóz qyzmetiniń málimetinshe, qaıǵyly jaǵdaı 24 shildede «Astana-Ereımentaý-Shiderti» avtojolynyń 23 shaqyrymynda bolǵan.
«Anyqtalǵandaı, «Chevrolet Cobalt» avtokóligi joldyń ústinde turǵan túıege soǵyldy. Jol-kólik oqıǵasy saldarynan taksı jolaýshysy — Sandyqtaý aýdanynyń 49 jastaǵy turǵyny oqıǵa ornynda qaza tapty», - dedi vedomstvodan.
PD baspasóz qyzmetinen atap ótkendeı, Tselınograd aýdandyq polıtsııa bólimi bul derekti Qylmystyq kodekstiń 345-baby 3-bóligi boıynsha sotqa deıingi tergep-tekserýlerdiń biryńǵaı tiziliminde tirkedi.
«Sot-medıtsınalyq saraptama taǵaıyndaldy. Tergeý amaldary júrgizilip jatyr. Janýardyń ıesi anyqtalǵannan keıin ol jaýapqa tartylady», - dep tolyqtyrdy vedomstvodan.
Eske salaıyq, budan buryn Aqmola oblysynda júk kóligi joldyń shetinde turǵan jeńil kólikke soǵylǵanyn jazǵan edik.
