Aqmola oblysynda jeke ushaq apatqa ushyrap, eki adam qaza tapty

ASTANA. KAZINFORM – Aqmola oblysy aýmaǵynda ushaq apatqa ushyrady. Bul týraly Kóliktegi polıtsııa departamentiniń baspasóz qyzmeti habarlaıdy.

- UP-LA 229 jeke jeńil ushaǵynyń apaty faktisi boıynsha Astana stansasyndaǵy jelilik polıtsııa basqarmasy Qylmystyq kodekstiń 344-babynyń 3-bóligi boıynsha sotqa deıingi tergeýdi bastady. Apat saldarynan eki adam, ushqysh pen jolaýshy qaza tapty, - delingen habarlamada. 

Qazir apattyń sebebi anyqtalyp jatyr. 

- Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy, - deıdi vedomstvodan.

Eske salsaq, bıyl maýsymda Astana mańynda jeńil motorly ushaq apatqa ushyrap, eki adam mert bolǵan edi. 

Keıin Kóliktegi polıtsııa departamenti Astanadaǵy ushaq apatyna baılanysty tergeýdi bastady.