Aqmola oblysynda jeke turǵyn úıde órt sóndirildi
ASTANA. KAZINFORM – Kókshetaý qalasynda jeke turǵyn úıden órt shyqty. Aldyn ala málimet boıynsha, oqıǵaǵa naızaǵaıdyń túsýi sebep bolǵan.
Habarlama túsken boıda oqıǵa ornyna TJM qyzmetkerleri jedel jóneltildi. Órt sóndirýshilerdiń úılesimdi ári shapshań áreketteriniń arqasynda jalyn oshaǵy qysqa ýaqytta oqshaýlanyp, ottyń jaqyn mańdaǵy ǵımarattarǵa taralýyna jol berilmedi.
Órt 120 sharshy metr aýmaqta tolyq sóndirildi. Zardap shekkender joq.
Qutqarýshylardyń kásibı jumysy iri materıaldyq shyǵynnyń aldyn alyp, kórshiles nysandardy órtten saqtap qalýǵa múmkindik berdi.
Aıta ketelik Túrkistan oblysynda jyl basynan beri 139 órt oqıǵasy tirkeldi.
