Aqmola oblysynda jasóspirimder biriniń ústine biri otyryp moped aıdaǵan
ASTANA. KAZINFORM — Aqmola oblysynda polıtseıler mopedterde jol qozǵalysy erejelerin buzǵan jasóspirimderdi anyqtady.
Oblystyq polıtsııa departamenti baspasóz qyzmetiniń málimetinshe, 12 qyrkúıek saǵat 21:00 shamasynda «Nazar aýdaryńyz, balalar!» jáne «Jasóspirimderdi baqylaý» jedel profılaktıkalyq is-sharalary aıasynda № 18 PPB ýchaskelik polıtsııa ınspektorlary beınebaqylaý kameralarynyń monıtorıngi barysynda mopedterdi basqarǵan jasóspirimderdi anyqtady.
Kámeletke tolmaǵandar jol qaýipsizdigi talaptaryn buzyp, qaýipti trıýkterdi oryndap, ózderiniń jáne basqa jol qozǵalysyna qatysýshylardyń qaýipsizdigine qaýip tóndiretini anyqtaldy.
— Osy fakt boıynsha 18 jastaǵy júrgizýshige qatysty memlekettik tirkeý nómirlik belgilerinsiz kólik quralyn basqarǵany, jolaýshylardy tasymaldaý qaǵıdalaryn jáne jol júrisi qaǵıdalarynyń talaptaryn buzǵany úshin ákimshilik is júrgizýler jasaldy. 17 jastaǵy jasóspirimge qatysty jol qozǵalysy erejeleriniń talaptaryn buzǵany úshin ákimshilik is júrgizildi. Mopedterge arnalǵan qujattar bar boldy, — dedi tártip saqshylary.
Jasóspirimdermen profılaktıkalyq áńgime júrgizildi. Anyqtalǵan buzýshylyqtar boıynsha zańnamaǵa sáıkes sharalar qabyldandy.
Polıtsııa ata-analardy balalardyń mopedterge jáne basqa kólik quraldaryna degen qyzyǵýshylyǵyn nazarda ustaýǵa shaqyrady.
Buǵan deıin Almatyda 300-den astam moped pen samokat arnaıy turaqqa qoıylǵany habarlandy.
