Aqmola oblysynda «Jasyl aımaq» aptalyǵy ótip jatyr
KÓKShETAÝ. KAZINFORM – Aqmola oblysynda «Taza Qazaqstan» respýblıkalyq ekologııalyq aktsııasy aıasynda «Jasyl aımaq» aptalyǵy ótip jatyr. Aktsııa barysynda Kókshetaý qalasynyń 50 túp qaraǵaı otyrǵyzyldy.
Aqmola oblysy ishki saıasat basqarmasynyń málimetinshe, Kenesary kóshesi boıyndaǵy jalpy qalalyq №21 orta mekteptiń mańyna ótken sharaǵa basqarma basshysynyń orynbasary Jandáýlet Qylyshbaev, Saıası jumys jáne qoǵamdyq damý bóliminiń basshysy Almat Núkenov, «Qoǵamdyq damý ortalyǵy» ujymy, «Baıtaq» qoǵamdyq birlestiginiń tóraǵasy Marat Kárimov, «Aýyl» partııasy múshesi Asylhan Sharıpov, Kókshetaý qalasynyń qoǵam belsendileri men qala jastary qatysyp, belsendilik tanytty.
«Búkil elimiz boıynsha respýblıkalyq «Taza Qazaqstan» aktsııasy ótip jatyr. Aktsııanyń ár aptasy túrli taqyryptarǵa arnalǵan. Aqmolalyqtar da bul aktsııa úlesterin qosyp, tarıhı jáne kıeli oryndardy abattandyryp, qoqystan tazartýda. Búgin «Jasyl aımaq» aptalyǵy barysynda súıikti qalamyzda 50 túp qaraǵaı otyrǵyzydyq. Osy ıgi iske úles qosyp jatqan qoǵam belsendilerine alǵysymdy bildiremin», - dep atap ótti Іshki saıasat basqarmasy basshysynyń orynbasary Jandáýlet Qylyshbaev.
Aıta ketsek, budan buryn Kókshetaýda 9 myńǵa jýyq aǵash otyrǵyzylǵanyn jazǵan edik.
