11:28, 26 Qyrkúıek 2024 | GMT +6
Aqmola oblysynda janyp jatqan páterge kirgen zeınetker qaıtys boldy
KÓKShETAÝ. KAZINFORM – Aqmola oblysynyń Şýche qalasynda kóppáterli bir qabatty turǵyn úı órtenip, 83 jastaǵy qarııa qaıtys boldy.
«Órt kezinde páterde áıel jáne onyń 83 jastaǵy anasy bolǵan. Tútinnen olar syrtqa shyqqan. Alaıda, belgisiz sebeptermen qarııa janyp jatqan úıge qaıta kirgen. Oqıǵa ornyna jetken órt sóndirýshiler qarııany syrtqa alyp shyqqannymen, ol kóp uzamaı kóz jumdy. Qazirgi kezde órttiń shyǵý sebebi anyqtalyp jatyr», - dep túsindirdi Aqmola oblysy TJD baspasóz qyzmetinen.
Eske sala keteıik, buǵan deıin Aqmola oblysynyń Esil qalasynda astyq saqtaıtyn qoıma órtengenin jazǵan edik.
Sondaı-aq Aqmola oblysynda 12 jasar qyz besinshi qabattan qulap ketkenin habarlaǵan bolatynbyz.
