Aqmola oblysynda zańsyz kıik aýlaǵan Astana turǵyny ustaldy
ASTANA. KAZINFORM - Astana qalasynyń 46 jastaǵy turǵyny zańsyz atyp alǵan kıik etin kvadrotsıklmen tasymaldaǵan.
Aqmola oblysy Polıtsııa departamenti baspasóz qyzmetiniń málimetinshe, 1 maýsym kúni Tselınograd aýdanyna qarasty Aqmeshit aýylynyń mańynda zańsyz ań aýlaý faktisi týraly aqparat túsken. Oqıǵa ornyna tabıǵatty qorǵaý polıtsııasynyń qyzmetkerleri jedel túrde barǵan.
Tekserý barysynda eki kıiktiń óleksesi tıelgen kvadrotsıkl anyqtaldy.
– Atalǵan derek boıynsha zańsyz ań aýlaý faktisimen sotqa deıingi tergep-tekserý bastaldy. Qylmys jasady degen kúdikpen Astana qalasynyń 46 jastaǵy turǵyny ustaldy. Qazirgi ýaqytta oqıǵanyń barlyq mán-jaıyn anyqtaýǵa baǵyttalǵan qajetti tergeý sharalary júrgizilip jatyr, - dep habarlady vedomstvodan.
Jyl basynan beri Aqmola oblysynda zańsyz ań aýlaýǵa baılanysty eki qylmystyq is tirkelgen.
Polıtsııa azamattarǵa zańsyz ań aýlaǵany úshin qylmystyq jaýapkershilik kózdelgenin taǵy da eske saldy.
Aıta keteıik, buǵan deıin Jetisýda jarty tonnadan astam kıik múıizi zańsyz aınalymnan alynǵanyn jazǵan edik.
Nazerke Jumabek
