Aqmola oblysynda uıymdasqan top 55 avtokólikti zańsyz tirkegen

Jalǵan tólem jáne esep aıyrysý qujattaryn paıdalana otyryp, 55 avtokólik quralyn zańsyz esepke tirkeý faktisi boıynsha qylmystyq isti tergeý aıaqtaldy, dep habarlaıdy Qarjy monıtorıngi agenttiginiń Aqmola oblysy boıynsha departamenti. 

Bastapqy tirkeý úshin alymdy tólemeý saldarynan memleketke 401,3 mln teńge kóleminde zalal keltirildi.

Qylmysty uıymdastyrýshy top Aqmola oblysy polıtsııa departamenti Ákimshilik polıtsııa basqarmasynyń burynǵy aǵa memlekettik ınspektorymen birigip, 2020 jylǵy jeltoqsan men 2022 jylǵy qańtar aralyǵynda tıisti tólemderdi tólemeý, elektrondyq ótinimderdi bekitý, jalǵan tólem qujattaryn paıdalaný jolymen shetelden ákelingen kólik quraldaryn jappaı bastapqy tirkeýdi uıymdastyrǵany anyqtaldy.

QR QPK-niń 201-babyna sáıkes ózge de aqparat taratylýǵa jatpaıdy.