Aqmola oblysynda úı aýlasynan qarasora alqaby anyqtaldy
ASTANA. KAZINFORM — Aqmola oblysynda polıtseıler quramynda esirtki bar ósimdikterdi zańsyz ósirý deregin anyqtady. Tekserý barysynda aýyl turǵynynyń aýlasynan ondaǵan túp qarasora tabyldy.
Oblystyq polıtsııa departamentiniń málimetinshe, Jaqsy aýdanyna qarasty Belaǵash aýylynyń 39 jastaǵy turǵyny óz úıiniń aýlasynda qarasora ósirgen.
Júrgizilgen is-shara barysynda polıtseıler aýmaqtan 79 túp qarasorany anyqtap, tárkilegen. Tabylǵan ósimdikterdiń barlyǵy tıisti saraptamaǵa jiberildi.
Atalǵan derek boıynsha sotqa deıingi tergeý bastaldy. Qazirgi ýaqytta quqyq qorǵaý organdary oqıǵanyń barlyq mán-jaıyn anyqtap, kúdiktiniń qarasorany qandaı maqsatta ósirgenin tekserip jatyr.
Eske salaıyq, esirtkige qarsy Úkimet jańa sharalardy qolǵa alady.
Kamıla Taıtóleý
