Aqmola oblysynda úsh respýblıkalyq jolda kólik qozǵalysy shekteldi
ASTANA. KAZINFORM — Aýa raıynyń qolaısyzdyǵyna baılanysty Aqmola oblysyndaǵy úsh respýblıkalyq mańyzy bar avtojoldyń keıbir bóliginde jazǵy dóńgelekpen júrgen kólikterdiń qozǵalysyna shekteý engiziledi. Joldar 15 qarasha kúni tańerteń ashylady.
14 qarasha saǵat 19:00–den bastap Aqmola oblysynda respýblıkalyq mańyzy bar úsh avtojolda qozǵalys shekteledi. Shekteý jazǵy dóńgelekpen jabdyqtalǵan kólikterdiń barlyq túrine qatysty.
Atap aıtqanda:
-
«Kókshetaý — Atbasar» avtojolynyń 0-184 shaqyrymy (Kókshetaý — Atbasar);
-
«Şýchınsk — Zerendi» avtojolynyń 0-77 shaqyrymy (Şýchınsk — Zerendi);
-
«Astana — Kókshetaý (aınalma jolymen) — Petropavl — RF shekarasy (Jańa Jol ótkizý pýnkti)» avtojolynyń 232-302 shaqyrymy (Şýchınsk — Kókshetaý).
Jol qozǵalysyn 15 qarasha saǵat 10:00–de qaıta ashý josparlanǵan.
Qosymsha aqparatty 1403 baılanys ortalyǵynan táýlik boıy alýǵa bolady.
Eske salaıyq, buǵan deıin 15 qarashada eldiń birneshe óńirinde qolaısyz aýa raıyna baılanysty eskertý jasalǵanyn habarlaǵan edik.