Aqmola oblysynda turǵyn úı kezeginde 9 qaıtys bolǵan jáne jyljymaıtyn múlki bar adamdar turǵan
ASTANA. KAZINFORM - Stepnogorsk qalasynda turǵyn úı kezeginde turǵan azamattarǵa júrgizilgen taldaý barysynda 9 qaıtys bolǵan adam jáne qaladan kóship ketken 14 turǵyn anyqtalyp, kezekten shyǵaryldy, dep habarlaıdy Aqmola oblysynyń prokýratýrasy.
Stepnogorsk qalasynyń prokýratýrasy halyqtyń áleýmettik osal toptary sanaty boıynsha turǵyn úı esebine taldaý júrgizdi.
Kezekte 1 095 azamattyń turǵanyna qaramastan, taldaý barysynda 2023 jyldan bastap kezekte turǵan 9 qaıtys bolǵan adam anyqtaldy. Sonymen qatar qaladan kóship ketken jáne turǵyn úı esebinde odan ári bolý negizderinen aıyrylǵan 14 tulǵa belgili boldy.
Budan bólek, menshiginde jyljymaıtyn múlki bar tulǵalardyń turǵyn úı kezeginde turǵany anyqtaldy. Qabyldanǵan sharalar nátıjesinde atalǵan tulǵalar kezekte turǵandar tiziminen shyǵaryldy.
Sondaı-aq prokýratýra turǵyn úıge muqtaj azamattardyń edáýir sanyna qaramastan, uzaq ýaqyt boıy naqty bos turǵan bosatylǵan turǵyn úı-jaıdyń paıdalanylmaý faktisin anyqtady.
Prokýrorlyq aralasý nátıjesinde páter kezekte turǵandar arasynda odan ári bólý úshin berildi. Anyqtalǵan buzýshylyqtar boıynsha kináli laýazymdy tulǵa jaýapqa tartyldy.
Osyǵan deıin Rıdderde úsh jetim bala turǵyn úı kezeginen shyǵarylǵany týraly jazdyq.
