Aqmola oblysynda traktorshynyń ólimine baılanysty is qozǵaldy

Aqmola oblysynda jergilikti kásiporyndardyń birinde traktorshy qaıtys boldy, polıtsııa sotqa deıingi tergeý amaldaryn qolǵa aldy, dep habarlaıdy Kazinform tilshisi.

Oblystyq PD baspasóz qyzmetiniń málimetinshe, oqıǵa 2 qańtarda Bulandy aýdanyndaǵy jergilikti JShS-niń birinde bolǵan. Bul týraly sol kúni saǵat 20:00 shamasynda Bulandy aýdandyq polıtsııa bólimine habar túsken.

- Anyqtalǵandaı, kásiporyn qyzmetkeri jumys ornynda bolǵan kezde jaraqat alyp, aýrýhanada qaıtys bolǵan. Osyǵan baılanysty Qylmystyq kodekstiń 156-babynyń 3-bóligi «eńbekti qorǵaý erejelerin buzý» boıynsha sotqa deıingi tergeýdiń biryńǵaı tizilimine engizildi. Sot-medıtsınalyq saraptama taǵaıyndaldy, sondaı-aq memlekettik eńbek ınspektory tekserýde, - dep habarlaıdy vedomstvodan.

Aıta ketsek, budan buryn Aqmola oblysynda jol apatyna ushyraǵan feldsherdiń qaıtys bolǵanyn jazǵan edik.