Azyq-túlik baǵasynyń kúrt ósýine jol bermeımiz – Azat Sultanov

ASTANA. KAZINFORM – Keıbir kókónis túrleri baǵasynyń ósýi maýsymdyq sıpatqa ıe. Bul týraly Aýyl sharýashylyǵy vıtse-mınıstri Azat Sultanov aıtty.

- Serik Jumanǵarınmen (Úkimet basshysynyń orynbasary – Ulttyq ekonomıka mınıstri) ár aptada áleýmettik-mańyzy bar azyq-túlik taýlarlarynyń baǵa ósimine qatysty jınalys ótkizemiz. Aıtalyq, ótken apta qorytyndysynda ósim ne bári 0,2 paıyzdy qurady. Eń basty faktor – bul maýsymdyq. Kókónister toptamasynda saqtaý jáne basqa da shyǵyndar bar. Olar túptep kelgende baǵaǵa áserin tıgizedi. Buǵan qosa, azyq-túlik ınflıatsııasyna qatysty aıtqan kezde áleýmettie mańyz bar azyq-túlik taýarlary men azyq-túlik baýarlary baǵasynyń ara-jigit ajyratý qajet, - dedi vıtse-mınıstr búgin Úkimet otyrysynan keıin.

Onyń atýynsha, jyl basynan beri áleýmettik mańyzy bar taýlarlardyń baǵasy 0,6 paıyzǵa ósti. Al qyryqqabat, kartop jáne qyzanaq baǵasynyń kóterilýi maýsymdyq sıpatqa ıe.

- Azyq-túlikke keler bolar bolsaq, nan baǵasy keıbir óńirde 0,4 paıyzǵa, un 0,3 patsıyzǵa qymbattady. Munda da maýsymdyq faktor áser etip otyr. Astyq jınalǵannan keıin bıdaı ádette eksportqa shyǵarylyp, ishki baǵaǵa áserin tıgizedi. Kórshilerge qaraǵanda astyq baǵasy tonnasyna 10 myń teńgege ósti. Munyń bári baǵanyń artýyna alyp keledi. Biraq, biz baǵanyń kúrt ósýine jol bermeımiz. Sebepteri anyqtalyp jatyr. Ár kásiporynmen jumys istelinip jatyr. Eger baǵanyń kóterilýiniń obektıvti sebepteri bolsa, onda kásiporynǵa esh shara qoldanylmaıdy. Saýda sórelerdegi baǵanyń deldaldyq tizbekter saldarynan kóterilgeni atalyp ótýde. Mundaı jaıtta qatań sharalar qabyldanady, - dedi Azat Sultanov.

Aıta keteıik, elimiz álemdik kúnbaǵys maıy eksportynda 8-orynǵa kóterilip, jasymyqtan daıyn ónim eksportqa shyǵara bastady.