Aqmola oblysynda traktor aýdarylyp, júrgizýshisi qaza tapty

ASTANA. KAZINFORM — Aqmola oblysynda traktor aýdarylyp, júrgizýshisi oqıǵa ornynda kóz jumdy. Osy derek boıynsha qylmystyq is qozǵaldy, dep habarlaıdy Kazinform agenttiginiń tilshisi.

Mýjchına pogıb prı oprokıdyvanıı traktora v Akmolınskoı oblastı
Foto: Kazinform / JI

Qaıǵyly oqıǵa 14 qarashada Zerendi aýdanynda, Elikti aýylynyń mańynda bolǵan. Aqmola oblystyq polıtsııa departamentiniń baspasóz qyzmetiniń málimetinshe, K-700 markaly traktor aýdarylǵan.

— Oqıǵa saldarynan júrgizýshi sol jerde kóz jumdy. Osy derek boıynsha qylmystyq is qozǵaldy. Qazir oqıǵanyń barlyq mán-jaıyn anyqtaý úshin qajetti tergeý amaldary júrgizilip jatyr, — dep habarlady vedomstvo.

Al Aqmola oblysynyń memlekettik eńbek ınspektsııasy departamentiniń málimetinshe, jumys berýshiden jazataıym oqıǵa týraly habarlama túspegen. Qazir oqıǵanyń mán-jaıy anyqtalyp jatyr.

— Jumys berýshi jazataıym oqıǵa týraly habarlamaǵan jaǵdaıda ákimshilik jaýapkershilik qarastyrylǵan. Sonymen qatar oǵan jazataıym oqıǵa týraly habarlama berý jóninde nusqama oryndatý mindetteledi, — dep tolyqtyrdy ınspektsııa ókilderi.

Eske salaıyq, buǵan deıin Temirtaýda avtobýs júrgizýshisi aǵashpen soqtyǵysqan jol apatynan keıin kóz jumǵan edi.