Aqmola oblysynda toǵyz jastaǵy oqýshyny mektep avtobýsy qaǵyp ketti

ASTANA.KAZINFORM - Qaıǵyly oqıǵa 19 aqpan kúni Aqmola oblysy Tselınograd aýdanyna qarasty Qaraótkel aýylyndaǵy ІT mektebiniń aýmaǵynda boldy, dep habarlaıdy Kazinform tilshisi.

Oblystyq Polıtsııa departamenti baspasóz qyzmetiniń habarlaýynsha, mektep avtobýsynyń júrgizýshisi kámeletke tolmaǵan 2015 jylǵy oqýshyny qaǵyp ketken.

– Jábirlenýshi oqıǵa ornynda kóz jumdy. Polıtsııa bul oqıǵaǵa baılanysty tergeý júrgizip jatyr, - dep habarlady vedomstvo.

Aqmola oblysynyń Bilim basqarmasy qyzdyń otbasyna kóńil aıtty.

– Oqıǵanyń mán-jaıyn anyqtaý úshin bilim basqarmasy arnaıy komıssııa qurdy. Qazirgi ýaqytta jedel áreket etý maqsatynda Tselınograd aýdandyq bilim bóliminiń mamandarynan qurylǵan jumys toby oqıǵanyń mán-jaıyn anyqtaý boıynsha qajetti sharalardy atqaryp jatyr. Stýdenttiń otbasyna qajetti psıhologııalyq kómek kórsetiledi, - dep túsindirdi vedomstvo.

Aqtóbede jeńil kólik velosıped mingen erli-zaıyptyny qaǵyp ketkenin jazǵan bolatynbyz.