Aqmola oblysynda tobynan qalyp qoıǵan aqqý qamqorlyqqa alyndy
KÓKShETAÝ. KAZINFORM – Aqmola oblysynda qutqarýshylar erekshe operatsııa júrgizip, tobynan adasyp qalǵan aqqýdy qutqaryp qaldy.
Oblystyq tótenshe jaǵdaılar departamentiniń málimetinshe, oqıǵa óńir ortalyǵyndaǵy bir ken kásipornynyń aýmaǵynda bolǵan. Aldyn ala derek boıynsha, aqqý birneshe kún boıy kásiporynnyń shuńqyrynda qalyp qoıǵan.
— Qutqarý jumysyna Kókshetaý qalasyndaǵy jedel-qutqarý jasaǵynyń qyzmetkerleri jumyldyryldy. Mamandar arnaıy qaıyqtyń kómegimen karerge túsip, aqqýdy aman-esen syrtqa alyp shyqty, — dedi Aqmola oblysy TJD resmı ókili Ersaıyn Qoıshybaev.
Qutqarylǵan qus keıin memlekettik ulttyq tabıǵı park qyzmetkerlerine tabystaldy. Qazir aqqýdyń jaǵdaıy jaqsy, esh qaýip joq.
Buǵan deıin Býrabaı ulttyq saıabaǵynda sur qutan kameraǵa túsip qalǵany habarlanǵan bolatyn.