Aqmola oblysynda «Taza Qazaqstan» aktsııasyna 200-ge jýyq adam qatysty
KÓKShETAÝ. KAZINFORM – Aqmola oblysynda «Taza Qazaqstan» respýblıkalyq ekologııalyq aktsııasy aıasyndaǵy is-sharalar jalǵasýda. Jaqsy aýdanynda ótken senbilikke 200-ge jýyq turǵyn qatysty, dep habarlaıdy oblystyq ishki saıasat basqarmasy.
Іs-shara «Taza Qazaqstan – ortaq jaýapkershilik» atty ekologııalyq lektorııden bastaldy. Qatysýshylarǵa qorshaǵan ortany qorǵaýdyń mańyzy, týǵan jerdiń tazalyǵyn saqtaýdaǵy ár azamattyń jaýapkershiligi jáne ekologııalyq mádenıetti qalyptastyrý týraly aqparat berildi.
Odan keıin «Jasyl meken – taza ólke» uranymen ekologııalyq senbilik uıymdastyryldy. Aktsııa aıasynda memlekettik qyzmetkerler, jastar, eriktiler jáne aýdan turǵyndary qoǵamdyq oryndardy tazalap, qoqys jınap, aýmaqtardy abattandyrý jumystaryna atsalysty.
– Tazalyq – bir kúndik naýqan emes, ol ár turǵynnyń kúndelikti ómir saltyna aınalýy tıis. Birlesip atqarylǵan árbir ıgi is aýdanymyzdyń kórkeıýine jáne turǵyndar úshin jaıly orta qalyptastyrýǵa óz úlesin qosady, – dedi Jaqsy aýdany ákiminiń mindetin atqarýshy Oljas Ábjanov.
Aıta keteıik, «Taza Qazaqstan» aıasyndaǵy sharalar óńirde demalys kúnderi de jalǵasady. 11 shilde kúni Býrabaı aýdanynda 500-den astam adamnyń qatysýymen «Móldir bulaq» aktsııasyn ótkizý josparlanyp otyr.
