Aqmola oblysynda tasjolda bolǵan apattan eki adam qaza tapty

ASTANA. KAZINFORM — Aqmola oblysynda jol-kólik oqıǵasynan eki adam kóz jumdy. Oqıǵa boıynsha oblystyq polıtsııa sotqa deıingi tergep-tekserý júrgizip jatyr, dep habarlaıdy Kazinform tilshisi.

Oblystyq polıtsııa departamentiniń baspasóz qyzmetiniń málimetinshe, 27 qańtar kúni «Aqsý–Bestóbe–Izobılnoe» avtojolynda «LADA Largus» pen «Toyota Land Cruiser Prado» kólikteri soqtyǵysqan.

— Jol apaty saldarynan «LADA Largus» kóliginiń júrgizýshisi men jolaýshysy oqıǵa ornynda qaza tapty. Qazir sotqa deıingi tergep-tekserý júrgizilip jatyr, onyń nátıjesi boıynsha tıisti protsessýaldyq sheshim qabyldanady, — dep habarlady vedomstvo.

Polıtsııa qyzmetkerleri mundaı qaıǵyly oqıǵalardyń aldyn alý úshin júrgizýshilerge jyldamdyq rejımin saqtaý, ásirese qozǵalysy qarqyndy jol ýchaskelerinde abaı bolý jáne kóliktiń tehnıkalyq jaǵdaıyn únemi baqylaý qajet ekenin eske saldy.

Buǵan deıin habarlanǵandaı, Jetisý oblysynda jol apatynan 5 adam mert boldy.