Aqmola oblysynda tanysyn asa qatygezdikpen óltirgen er adam 25 jylǵa sottaldy

KÓKShETAÝ. KAZINFORM - Aqmola oblysynda tanysyn asa qatygezdikpen óltirgen er adam 25 jylǵa sottaldy. Qylmystyq is alqabılerdiń qatysýymen qaraldy.

Sotta anyqtalǵandaı, 2023 jyldyń qarashasynda Bulandy aýdanynyń Makınsk qalasynda sottalýshy mas kúıde óziniń burynnan jaqtyrmaıtyn tanysyn aýyldyń syrtyna shaqyryp sóılespekshi bolady. Kezdesken kezde ol tanysyna myltyqtan oq atyp, ıyǵyn jaralaıdy. Keıin sońynan qýyp jetip, ishinen atady jáne myltyqtyń sabymen basynan urady. Ol azdaı kólikpen basady, tanysy alǵan dene jaraqatynan sol jerde kóz jumady. Artynsha, izin jasyrý maqsatynda zardap shekken adamnyń kóligin minip ketip, ony zaqymdaý úshin qasaqana ózge kólikpen jol-kólik oqıǵasyn jasaıdy.

Alqabılerdiń úkimimen sottalýshy asa qatygezdikpen kisi óltirgeni, sondaı-aq, avtokólikti urlaý arqyly asa iri mólsherde zalal keltirgeni úshin kánili dep tanyldy.

«Sottyń úkimimen er adamǵa 25 jylǵa bas bostandyǵynan aıyrý jazasy taǵaıyndaldy. Sot sottalǵannan jábirlenýshilerdiń paıdasyna 10 mln teńge somasynda moraldyq zııan jáne 1,5 mln teńgeden astam somaǵa keltirilgen materıaldyq zalaldy óndirip aldy. Sonymen qatar sot sottalýshyǵa alkogolge táýeldilikti májbúrlep emdeýdi taǵaıyndady», - dedi Aqmola oblysy sotynyń baspasóz qyzmetinen.

Sot úkimi zańdy kúshine engen joq.

Aıta ketsek, budan buryn izdeýde júrgen 5 qylmyskerdiń Aqmola oblysynda ustalǵanyn jazǵan edik.