Aqmola oblysynda taǵy bir jol ýchaskesi tańǵy 8.00-ge deıin jabyldy
ACTANA. KAZINFORM – QazAvtoJol ulttyq kompanııasy aýa raıynyń nasharlaýyna baılanysty Aqmola oblysy aýmaǵyndaǵy respýblıkalyq mańyzy bar jol ýchaskesinde kólik qozǵalysyna shekteý qoıylǵanyn habarlady.
«2025 jylǵy 30 jeltoqsan saǵat 05:00-de aýa raıynyń nasharlaýyna baılanysty respýblıkalyq mańyzy bar «Astana-Kókshetaý-Petropavl-RF shekarasyna deıin» 18-232-shaqyrym aralyǵynda (Astana qalasynan-Şýchınsk qalasyna deıin) barlyq kólik túrleriniń qozǵalysyna shekteý qoıylady», delingen QazAvtoJoldyń resmı habarlamasynda.
Ulttyq kompanııa atalǵan jol ýchaskesin ashýdy búgin saǵat 08:00-ge josparlap otyr.
Eske sala ketsek, búgin elimizdiń taǵy eki óńirinde kólik qozǵalysyna shekteý qoıyldy.
Jalpy, kesheli beri elimizdegi aýa raıynyń qolaısyzdyǵyna baılanysty joldar jabylǵan óńirler qatary artyp kele jatyr.
