Aqmola oblysynda sýda qutqarý stantsııasy paıdalanýǵa berildi
KÓKShETAÝ. KAZINFORM — Qazaqstan Respýblıkasynyń Tótenshe jaǵdaılar mınıstri general-leıtenant Shyńǵys Árinov Aqmola oblysynyń Býrabaı aýdanyndaǵy Úlken Shabaqty kólinde sýda qutqarý stantsııasyn paıdalanýǵa berý rásimine qatysty. Bul týraly Tótenshe jaǵdaı mınıstrliginiń baspasóz qyzmeti habarlady.
Іs-shara barysynda TJM basshysy Býrabaı kýrorttyq aımaǵyndaǵy qaýipsizdik ınfraqurylymyn damytý azamattardyń ómiri men densaýlyǵyn qorǵaýdy qamtamasyz etýdiń mańyzdy baǵyty ekenin, sondaı-aq óńirdiń týrıstik áleýetiniń turaqty damýyna yqpal etetinin atap ótti.
Stantsııanyń qurylys jobasy 2019 jyly bastalyp, búgingi kúni sátti aıaqtaldy, bul nysandy tolyqqandy paıdalanýǵa berýge múmkindik berdi. Atalǵan jobanyń júzege asyrylýy óńirdiń sý aıdyndaryndaǵy qaýipsizdik júıesin qalyptastyrýdaǵy mańyzdy kezeńge aınalyp, tótenshe jaǵdaılarǵa jedel den qoıý deńgeıin arttyrýǵa múmkindik beredi.
Stantsııa azamattardyń sýdaǵy qaýipsizdigin qamtamasyz etý jáne týrıstik ınfraqurylymdy damytý jónindegi keshendi sharalar aıasynda salyndy. Qurylys barysynda nysannyń senimdiligi men fýnktsıonaldyǵyn qamtamasyz etetin zamanaýı ári praktıkalyq sheshimder qoldanyldy.
Stantsııada qutqarýshylardyń qyzmet atqarýyna barlyq qajetti jaǵdaı jasalǵan. Bólimshe Úlken Shabaqty jáne Sýrınskoe kólderinde kezekshilik júrgizip, qaýipsizdikti qamtamasyz etetin bolady.
Saltanatty is-shara barysynda Tótenshe jaǵdaılar mınıstri arnaıy qyzmettik avtokólikterdiń kiltterin tabystady. Jańa tehnıka bólimsheniń múmkindikterin keńeıtip, avarııalyq-qutqarý jumystaryn jáne adamdardy qutqarý sharalaryn júrgizýdiń tıimdiligin arttyrýǵa múmkindik beredi.
Eske sala keteıik, buǵan deıin Qazaqstanda tótenshe jaǵdaıdan zardap shekken azamattarǵa turǵyn úı berý qaǵıdalary jańartylǵanyn jazǵan edik.