Aqmola oblysynda sýda qalǵan 6 túıe qutqaryldy

KÓKShETAÝ. KAZINFORM - Aqmola oblysynda sýda qalǵan janýarlardy qutqarý jumystary jalǵasýda, Qosshy qalasynyń Taıtóbe aýylynda 6 túıe qutqaryldy.

Aýmaqtyq TJD baspasóz qyzmetiniń málimetinshe, túıeler qyzyl sý kelgende dalada jaıylyp júrgen. Janýarlar sýdan úrkip, shógip jatyp alǵan. Túıelerdi TJD bastyǵynyń orynbasary Erlan Moldahanov bastaǵan qutqarýshylar qurǵaq jerge alyp shyqty.

«Otyz jyldyq tájirıbemde túıelerdi alǵash ret qutqaryp otyrmyn. Sýdyń tereńdigi shamamen bir metr, janýarlar sýda júre de, júze de almaıdy, shógip jatyp alady. Biz olardy birden sýy joq, ashyq jerge shyǵardyq. Birde-bir túıe zardap shekken joq», - dep atap ótti Erlan Moldahanov. 

Aıta ketsek, budan buryn Kókshetaý qalasyndaǵy sý tasqyny jaǵdaıy turaqtalǵanyn jazǵan edik.