Aqmola oblysynda sý tasqynynan qorǵaý úshin Jabaı ózeniniń arnasy keńeıtilip jatyr
ASTANA. KAZINFORM – Atbasar aýdanynda ózen arnasyn tereńdetý jáne keńeıtý boıynsha aýqymdy jumystar júrgizilýde, bul erigen sýlardyń kedergisiz ótýin qamtamasyz etýge múmkindik beredi.
Sý tasqynyna qarsy is-sharalardy júzege asyrý týraly aýdan ákimi Kenesh Álimjanov baıandady. Onyń aıtýynsha, «Tselıngıdroteh» JShS merdigerlik uıymy uzyndyǵy 7,2 shaqyrym ýchaskede jumys júrgizip jatyr.
Joba aıasynda ózen 5 m-ge deıin tereńdetilip, eni 120 m-ge deıin keńeıtiledi. Búgingi tańda nysannyń daıyndyǵy 80%-dan asady, jumystardy osy jyldyń sońyna deıin tolyq aıaqtaý josparlanǵan.
– Qazirgi tańda 90-nan astam tehnıka jumyldyrylǵan: 44 ekskavator, 40-tan astam samosval jáne 4 býldozer. Qolda bar resýrstar jumysty kestege sáıkes qatań túrde júrgizýge, atalǵan is-sharalardyń barlyǵy bizge sýdy tıimdi ótkizýge jáne sý basý qaýpin azaıtýǵa múmkindik beredi, - dep qorytyndylady aýdan ákimi.
Eske sala keteıik, buǵan deıin Aqmola oblysy sý tasqynyna qanshalyqty daıyn ekenin jazǵanbyz.
