Aqmola oblysynda sý tasqynyna qarsy jumystar jalǵasýda
KÓKShETAÝ. KAZINFORM – Aqmola oblysynda sý tasqynyna qarsy jumystar jalǵasýda. Bar kúsh Atbasar, Arshaly aýdandary men Qosshy qalasyna jáne Taıtóbe aýyldarynda jumyldyrylýda.
Aýmaqtyq TJD baspasóz qyzmetiniń málimetinshe, oblys boıynsha sý tasqynyna qarsy kúresý úshin barlyǵy 700-ge jýyq adam, 210 tehnıka jáne 130 motopompa tartylǵan.
«Atbasar aýdanynda sý tasqynyna belsendi daıyndyq jalǵasýda. Inertti materıal salynǵan qaptar tóselip jatyr. Táýligine shamamen 1 myń tekshe metr qar shyǵarylýda. Qosshy qalasy men Taıtóbe aýylynda qorǵanysh úıindisin nyǵaıtý úshin Astana qalasynan qosymsha kúshter men quraldar keldi. Sondaı-aq, Arshaly aýdanynda sý tasqynymen kúresý úshin Kókshetaýdaǵy Málik Ǵabdýllın atyndaǵy Azamattyq qorǵaý akademııasynyń 68 kýrsanty pen 4 ofıtseri attandy. Bul aýdandarda bir táýliktiń ishinde 20 myń tekshe metrden astam erigen qar sýy soryldy», - dedi vedomstvodan.
Aıta ketsek, budan buryn Aqmola oblysynda sýda qalǵan 6 túıe qutqarylǵanyn jazǵan edik.
