Aqmola oblysynda sý tasqyny jaǵdaıy táýlik boıy baqylaýǵa alynǵan

ASTANA. KAZINFORM – Aqmola oblysynda sý tasqyny qaýpine baılanysty gıdrologııalyq jaǵdaı táýlik boıy baqylaýǵa alynǵan.

Sý basý qaýpi bar eldi mekenderge erekshe nazar aýdarylýda. Atap aıtqanda, Arshaly aýdany aýmaǵyndaǵy Jibek joly aýyly men «42 razezd» stantsııasynda sý deńgeıi men tasqynnyń damý barysyna úzdiksiz monıtorıng júrgizilip jatyr.

- Monıtorıng jumystary Tótenshe jaǵdaılar mınıstrligi basshylyǵymen uıymdastyrylǵan. Jedel qyzmetter sý aıdyndarynyń, gıdrotehnıkalyq qurylystardyń jáne ózen arnalarynyń jaǵdaıyn turaqty baqylaýda ustap otyr.

Qazirgi ýaqytta óńirdegi gıdrologııalyq ahýal turaqty. Sý basýdyń aldyn alý jáne halyqtyń qaýipsizdigin qamtamasyz etýge baǵyttalǵan keshendi sharalar júzege asyrylýda, - delingen TJM dereginde.

Jaǵdaı turaqty baqylaýda, monıtorıng jumystary táýlik boıy jalǵasady.

Aıta keteıik, ShQO-da sý tasqynyna qarsy áýeden baqylaý júrgizildi.