Aqmola oblysynda sý qubyryn tartyp jatqan jumysshyny topyraq basyp qaldy

KÓKShETAÝ. KAZINFORM – Aqmola oblysynda sý qubyryn tartyp jatqan jumysshyny topyraq basyp, zardap shekken er adam oqıǵa ornynda kóz jumdy. Polıtsııa atalǵan oqıǵa boıynsha is qozǵady.

Aqmola oblysy PD baspasóz qyzmetiniń málimetinshe, qaıǵyly jaǵdaı Bulandy aýdanynda bolǵan.

Anyqtalǵandaı, sý qubyryn ornatyp jatqan er adamnyń ústine topyraq úıindisi qulaǵan. Saldarynan er adam alǵan dene jaraqatynan kóz jumǵan. Qaıtys bolǵan jumysshynyń 41 jastaǵy Almaty oblysynyń týmasy ekeni anyqtaldy. 

«Osyǵan baılanysty Qylmystyq kodekstiń 156-babynyń 3-bóligi boıynsha «abaısyzda adam ólimine ákep soqtyrǵan eńbekti qorǵaý erejelerin buzý» boıynsha sotqa deıingi tergep-tekserý qolǵa alyndy. Sot-medıtsınalyq saraptama taǵaıyndaldy, memlekettik eńbek ınspektor tekserýde», - dedi vedomstvodan.

Aıta ketsek, budan buryn Aqmola oblysynda mobıldi baılanys kompanııasynyń qyzmetkeri bıikten qulap, jaraqat alǵanyn jazǵan edik.