Aqmola oblysynda sý qoımalary 100 paıyzǵa toldy

ASTANA. KAZINFORM — Aqmola oblysynda kóktemgi sý tasqynynyń sharyqtaý kezeńi aıaqtaldy, dep habarlaıdy Sý resýrstary jáne ırrıgatsııa mınıstrliginiń baspasóz qyzmeti.

Sonyń nátıjesinde óńirdegi iri sý qoımalary 100%-ǵa toldy. Qazir sý qoımalarynda jalpy 670 mln tekshe metr sý jınaldy.

— Atap aıtqanda, Astana sý qoımasynda 412,82 mln tekshe metr, Siletide 230 mln tekshe metr, al Shaǵalalyda 28 mln tekshe metr sý bar, — delingen habarlamada.

Bıyl Aqmola oblysynyń iri ózenderi basseınderinde kóktemgi sý tasqyny naýryz aıynyń úshinshi onkúndiginde bastalǵan bolatyn.

Osydan buryn Aqmola oblysynda «Shoptykól» bógeti buzylǵanyn jazǵan edik.

Keıinnen oqıǵa ornynda jedel shtab quryldy.

7 sáýirde Aqmola oblysyndaǵy buzylǵan bóget qalpyna keltirilgeni málim boldy.