Aqmola oblysynda sý basqan úılerden 42 adam evakýatsııalandy

KÓKShETAÝ. KAZINFORM - Aqmola oblysynyń Shortandy jáne Esil aýdandarynda sý basqan úılerden 42 adam evakýatsııalandy, onyń 17-si bala. 

Aýmaqtyq TJD baspasóz qyzmetiniń málimetinshe, atalmysh aýdandarda 1 jeke turǵyn úı, 18 kóppáterli turǵyn úı jáne 9 jeke turǵyn úı aýlasy sý basqan. Budan qosa, Esil qalasynyń №2 jalpy bilim beretin orta mektetiń aýlasyna sý kirgen.

«Aqmola oblysy TJD jáne JAO qyzmetkerleri Shortandy jáne Esil aýdandarynda sý basqan úılerden 42 adam evakýatsııalady, onyń 17 bala. Sonymen birge, atalmysh aýdandar aýmaǵynda bir táýliktiń ishinde 1 300 tekshe sý soryldy», - dedi vedomstvodan.

Aıta ketsek, budan buryn Aqmola oblysynda Esil ózeni tasyp, 4 adam qutqarylǵanyn jazǵan edik.