Aqmola oblysynda sotta jalǵan aıǵaq bergen kýágerge qatysty tergeý bastaldy

KÓKShETAÝ. KAZINFORM – Kókshetaý qalasy prokýratýrasy sot aktisin zerdeleý kezinde kýániń kórineý jalǵan aıǵaqtar bergenin anyqtady.

Polıtsııa qyzmetkerleri kólik quralyn alkogoldik masań kúıde basqarǵan A degen azamatty ustap alǵan.

Іsti sotta qaraý barysynda sol túni quqyq buzýshymen birge alkogoldik ishimdik ishken B azamat kýá retinde tartyldy.

«Alaıda, kýá bul faktini joqqa shyǵaryp, sotqa kórineý jalǵan aıǵaqtar bergen, bul óz kezeginde kináli adamdy jazadan bosatýǵa ákep soqty.

Bul rette prokýratýra joǵary turǵan sotqa sol túni oıyn-saýyq mekemesinde kýá men quqyq buzýshynyń alkogoldik ishimdikterdi birge ishkendigi jazylǵan beınematerıaldardy usyný arqyly, quqyq buzýshy 15 táýlikke ákimshilik qamaqqa alyndy jáne 7 jyl merzimge kólik quralyn basqarý quqyǵynan aıyrý túrindegi jaýapkershilikke tartyldy», — dep jazdy baqylaýshy organnan.

Kórineý jalǵan aıǵaqtar bergendigi úshin prokýratýra bastamasy boıynsha kýáǵa qatysty QK 420-babynyń 1-bóligi (sotta kýániń kórineý jalǵan aıǵaqtary) boıynsha sotqa deıingi tergep-tekserý bastaldy.

Osylaısha, azamat kýádan qylmystyq is fıgýrantyna aınaldy.