Aqmola oblysynda sıntetıkalyq esirtki daıyndaıtyn zerthana anyqtaldy

ASTANA. KAZINFORM — Aqmola oblysy prokýratýrasynyń bastamashylyǵymen júrgizilgen jedel-izdestirý sharalarynyń nátıjesinde 27 mamyrda Polıtsııa departamenti sıntetıkalyq esirtki daıyndaıtyn zerthanany anyqtady. 

— Tintý barysynda shamamen 200 gramm sıntetıkalyq esirtki, 150 kılogramm hımııalyq prekýrsorlar, tyıym salynǵan zattardy daıyndaýǵa arnalǵan ártúrli zerthanalyq jabdyqtar, 9 mln teńgeden astam qarajat, sondaı-aq 2 qarý tárkilendi, — delingen Aqmola oblysynyń prokýratýrasy habarlamasynda.

42 jastaǵy uıymdastyrýshy men onyń sybaılasy ýaqytsha ustaý ızolıatoryna qamaldy.

Tárkilengen zattar boıynsha tıisti saraptamalar taǵaıyndaldy.

Atalǵan fakt Qylmystyq kodeksiniń 297-1-baby 3-bóligimen, ıaǵnı asa iri mólsherde esirtki quraldaryn zańsyz daıyndaý, qaıta óńdeý, óndirý jáne satý boıynsha sotqa deıingi tergep-tekserýdiń biryńǵaı tizilimine tirkeldi. Kórsetilgen baptyń sanktsııasy múlikti tárkileýmen birge 15 jylǵa deıin bas bostandyǵynan aıyrý jazasyn kózdeıdi.

Qylmystyq isti tergeý barysy baqylaýǵa alyndy, jedel-tergeý sharalary júrgizilip jatyr.

Aıta ketelik  Ispanııadan esirtki tasymaldaǵan qazaqstandyq 16 jylǵa sottalǵan edi.