Aqmola oblysynda Shóptikól bógetiniń buzylýy: Oqıǵa ornynda jedel shtab quryldy
ASTANA.KAZINFORM – Aqmola oblysynyń Qorǵaljyn aýdanynda buzylǵan bógetti qalpyna keltirý jumystary táýlik boıy júrgizilip jatyr.
QR Tótenshe jaǵdaılar mınıstrligi baspasóz qyzmetiniń habarlaýynsha, oqıǵa ornynda jedel shtab quryldy. Saldaryn joıýǵa TJM, JAO, ІІM jáne «Qazavtojol» AQ 254 adam, 64 tehnıka, 4 motopompa jumyldyryldy. Qazirgi ýaqytta 4 myńnan astam tekshe metr sý sorylyp shyǵaryldy.
Sonymen qatar ınjenerlik jumystar júrgizilip jatyr. Atap aıtqanda: respýblıkalyq mańyzy bar «Astana – Qorǵaljyn» avtojolynyń boıymen 1100 metr, sondaı-aq Sabyndy aýylyn boılaı 500 metr uzyndyqta qorǵanys dambasy salynyp jatyr. Budan basqa, erigen sýdy aǵyzý úshin 100 metr uzyndyqta bóget kanaly qazylǵan.
Osyǵan deıin Aqmola oblysynyń Qorǵaljyn aýdanynda bóget buzylǵany týraly jazdyq. Sonyń saldarynan sý alqaptar arqyly eldi mekenge jaıylyp, «Astana — Qorǵaljyn» respýblıkalyq mańyzy bar avtomobıl jolynyń 75-shaqyrym tusyn kesip ótti. Degenmen, sý joldyń júrý bóligine ótken joq.
