Aqmola oblysynda «Shoptykól» bógeti buzyldy

ASTANA. KAZINFORM – Aqmola oblysynda apatty-qalpyna keltirý jumystary júrgizilip jatyr. Bul týraly Tótenshe jaǵdaılar mınıstrligi habarlady.

Qorǵaljyn aýdanynda «Shoptykól» bógetiniń buzylǵany belgili boldy.

Gıdrotehnıkalyq nysan Sabyndy aýylynan soltústikke qaraı 2 shaqyrym jerde ornalasqan. Oqıǵa ornynda sýdy qaýipsiz ótkizý boıynsha jedel jumystar júrgizilip jatyr.

Saldardy joıýǵa TJM, jergilikti atqarýshy organdar, aýdandyq polıtsııa bólimi jáne jol qyzmetteriniń kúshteri men quraldary jumyldyrylǵan.

Jalpy sany shamamen 170 adam jáne 43 birlik tehnıka tartylǵan.

Bógetti nyǵaıtý, ınertti materıaldar tógý jáne sýdy burý jumystary júrgizilip jatyr.

Jaǵdaı TJM-niń turaqty baqylaýynda.

Buǵan deıin memleket bógetter men sý qoımalarynyń qaýipsizdigin qalaı baqylaıtynyn jazǵan bolatynbyz.

Aqtóbede 60-tan astam shaǵyn bóget jóndeýdi qajet etip tur.