Aqmola oblysynda sheneýnik pen merdiger bıýdjet qarjysyn jymqyrǵan
KÓKShETAÝ. KAZINFORM - Aqmola oblysynda bıýdjet qarjysyn jymqyrǵan Býrabaı aýdandyq Turǵyn úı-kommýnaldyq sharýashylyǵy men turǵyn úı ınspektsııasy bóliminiń basshysy jáne merdiger uıym dırektorynyń orynbasaryna qatysty sot úkimi shyqty.
Aqmola oblysy sotynyń baspasóz qyzmetiniń málimetinshe, sheneýik pen merdiger sóz baılasyp, Zelenyı Bor kentindegi qazandyqtyń aýa ótkizgishin jetkizý jáne montajdaý boıynsha jumystardy qabyldap, quny 12 mln teńgege jýyqtaıtyn aktilerige qol qoıǵan. Іs júzinde bul jumystar oryndalmaǵan. Sottalǵandardyń kinási kýágerlerdiń aıǵaqtarymen, saraptamalarmen jáne istiń basqa materıaldarymen dáleldendi.
Sybaılas jemqorlyq quqyq buzýshylyq týraly qylmystyq is boıynsha jarııa sot otyrysyna Býrabaı aýdanynyń ákimdigi men qurylys bóliminiń ókilderi shaqyryldy.
Jaza taǵaıyndaýda sot kinálilerdiń keltirilgen zalaldy óz erkimen ótegenderin, sheneýniktiń kámeletke tolmaǵan balalarynyń bolýyn, eki sottalýshynyń jumys orny men turǵylyqty jeri boıynsha oń sıpattamalaryn, sottylyqtyń bolmaýyn - jeńildetetin mán-jaılar retinde, sondaı-aq aýyrlatatyn mán-jaılardyń bolmaýyn eskerdi.
«Sot úkimimen sheneýnik - 2 jyl 4 aıǵa, merdiger - 2 jyl 8 aıǵa bas bostandyǵynan aıyryldy. Sonymen qatar, árqaısysy memlekettik qyzmette ómir boıy qyzmet atqarý quqyǵynan da aıyryldy», - dedi vedomstvodan.
Úkim zańdy kúshine engen joq.
Aıta ketsek, budan buryn Aqmola oblysynda qoǵam belsendisin óltirgender sottalǵanyn jazǵan edik.
