Aqmola oblysynda sibir jarasynyń terige shyǵatyn túri tirkeldi

ASTANA.KAZINFORM — Aqmola oblysy Atbasar aýdanynyń bes turǵyny Kókshetaý qalasyndaǵy juqpaly aýrýlar ortalyǵynda emdelip jatyr, dep habarlaıdy Kazinform tilshisi. 

Aqmola oblysy boıynsha sanıtarlyq-epıdemıologııalyq baqylaý departamentiniń málimetinshe, Atbasar aýdanynda sibir jarasynyń bes jaǵdaıy tirkelgen.

— Aýrý oshaǵynda sanıtarlyq-epıdemıologııalyq qyzmet, densaýlyq saqtaý organdary, veterınarlyq ınspektsııa, polıtsııa jáne jergilikti atqarýshy organdar mamandarynyń qatysýymen epıdemııaǵa qarsy is-sharalar júrgizildi. Zerthanalyq zertteýler uıymdastyrylyp, epıdemıologııalyq jáne epızootologııalyq tekserýler júrgizilip, oshaq mańynda dezınfektsııalyq sharalar júrgizilip jatyr, — dep zabarlady vedomstvo.

Aqmola oblysynyń densaýlyq saqtaý basqarmasy da Atbasar aýdanynda sibir jarasy aýrýynyń tirkelý faktilerin rastady. Qazirgi tańda bes aýyl turǵyny Kókshetaý qalalyq ınfektsııalyq baqylaý ortalyǵynda em alyp jatyr.

— Oblystyń shtattan tys bas ınfektsıonısi sanıtarlyq avıatsııa kóligimen oqıǵa ornyna baryp, naýqastardy tekserip, dıagnostıka jáne emdeý sharalaryn júrgizip, oblys ortalyǵyna jetkizdi. Naýqastarda dene qyzýy kóterilgen. Olardyń jaǵdaıy turaqtaldy. Qazir jaralary jazylyp, oń dınamıka kórsetip keledi, — dep atap ótti dárigerler.

Tergeý jalǵasyp jatyr. 

Aıta ketelik Sibir jarasy jerlengen aýmaqtarǵa jaqyn jerler memleketke qaıtarylǵany týraly jazǵan edik.