Aqmola oblysynda Respýblıka kúnine oraı alyp tý jaıyldy
Respýblıka kúnine oraı Aqmola oblysynyń «Jastar Rýhy» Jastar qanatynyń belsendileri Kókshetaýdyń Ortalyq alańynda Memlekettik týdy jaıý aktsııasyn ótkizdi, dep habarlaıdy Kazinform.
«Meniń Elim-Meniń týym» aktsııasyna «Jastar Rýhy» Jastar qanatynyń músheleri men 55:10 áskerı bóliminiń orkestrinen quralǵan 250-den astam adam qatysty. Jınalǵandar Memlekettik týǵa jáne Otanǵa degen súıispenshiligi men qurmetin bildirý úshin alańǵa uzyndyǵy 24 metr, eni 12 metr bolatyn týdy alyp shyqty.
Aqmola oblysynyń «Jastar Rýhy» Jastar qanatynyń tóraǵasy Sultanbek Bekeshov atap ótkendeı, Memlekettik tý – egemendigimiz ben birtutastyǵymyzdyń sımvoly. Ony qurmetteý kez kelgen qazaqstandyqtyń mindeti.
– Biz osynaý aktsııaǵa jastardyń belsendilik tanytyp, bir adamdaı bolyp qatysqanyna qýanyshtymyz. Bul bizdiń jastarymyzdyń ýaqytpen birge júrýine jáne ulttyq dástúrlerimizge degen qurmetin kórsetedi. Memlekettik týymyz árqashan bizdiń birligimiz ben kúshimizdiń sımvoly bolyp qala beredi. Árbir otandasymyz óz Otanymen jáne onymen baılanysty barlyq nárselermen maqtana alatyn bolady, – dedi Sultanbek Bekeshov.
Aıta ketsek, budan buryn Respýblıka kúnine oraı Aqmola oblysynyń 49 950 turǵynyna materıaldyq qoldaý kórsetiletinin jazǵan edik.
