Aqmola oblysynda Reseı azamatyn óltirgen kúdikti ustaldy
KÓKShETAÝ. KAZINFORM - Aqmola oblysynda joǵalǵan Reseı azamaty óli kúıinde tabyldy. Polıtsııa kúdiktini ustady.
Joǵalǵan er adamǵa qatysty izdeý jarııalanǵanyn volonterler áleýmettik jelige jarııalady. Onda Kalınıngrad oblysynyń 39 jastaǵy turǵyny 2024 jyldyń 9 maýsymynan bastap, týystarymen baılanysqa shyqpaı qoıǵany aıtylady. Er adam Petropavldaǵy týystaryna, sodan keıin Şýche qalasyna baryp, habarsyz ketken.
Artynsha, joǵalǵan er adamnyń óltirilgeni anyqtaldy.
Aqmola oblysy PD baspasóz qyzmetiniń málimetinshe, qazirgi kezde osy qylmysqa qatysy bar kúdikti ustalyp, ústinen «kisi óltirý» baby boıynsha tergeý bastalǵan.
«Jedel - izdestirý jáne tergeý is-sharalary barysynda qylmys jasaýǵa qatysy bar adam anyqtaldy. Qazirgi ýaqytta kúdikti ustalyp, tıisti tergeý amaldary júrgizilýde», - dedi vedomstvodan.
Osy rette, tártip saqshylary QR QІJK-niń 201-babyna sáıkes ózge aqparatty jarııalamaı otyr.
Aıta ketsek, budan buryn Aqmola oblysynda mototsıkl tizgindegen jasóspirim 8 jasar balany qaǵyp ketkenin jazǵan edik.
