Aqmola oblysynda prokýrorlardyń yqpalymen 788 gektar jer memleketke qaıtaryldy
KÓKShETAÝ. KAZINFORM - Zerendi aýdanyń prokýratýrasy «Zerendi aýdanynyń aýyl sharýashylyǵy jáne jer qatynastary bólimi» MM qyzmetine júrgizilgen tekseris barysynda aýyl sharýashylyǵy maqsatyndaǵy jerlerdi usyný kezinde jer zańnamasynyń talaptaryn óreskel buzý faktileri anyqtaldy.
Aqmola oblysynyń prokýratýrasynan habarlanǵandaı, aýdan ákimdigi laýazymdy tulǵalary jer zańnamasynyń talaptaryn buza otyryp, zańdy tulǵalarǵa baý-baqsha ósirý úshin jer telimderi óteýsiz ýaqytsha jer paıdalaný quqyǵymen negizsiz usynylǵan. Alaıda mundaı jer telimderi tek qana azamattarǵa ǵana berilýi múmkin.
Budan bólek, jer telimderi konkýrstyq rásimderdi aınalyp ótip berilgen, sondaı-aq olardyń aýmaǵy zańda belgilengen shekti normalardan birneshe ese asyp ketken.
-Prokýrorlyq qadaǵalaý aktileri boıynsha laýazymdy tulǵalar jaýapqa tartylyp, jalpy aýdany 788 gektardy quraıtyn, quny 189 mln teńgeden astam 12 jer telimin memleket menshigine qaıtarý týraly sot sheshimderi shyǵaryldy,-delingen habarlamada.
Osy baǵyttaǵy jumys jalǵasýda jáne aýdan prokýratýrasynyń baqylaýynda tur.
Osyǵan deıin habarlaǵanymyzdaı, Abaı oblysynda prokýratýranyń yqpalymen 12 mlrd teńgelik jobanyń máselesi sheshildi.
