Aqmola oblysynda prokýratýra 18,3 mlrd teńgeniń ınvestıtsııalyq jobasyn saqtap qaldy
ASTANA. KAZINFORM – Aqmola oblysy Stepnogorsk qalasynyń prokýratýrasy Investorlardyń quqyqtaryn qorǵaý komıtetimen birlesip, óńirdegi iri jobalardyń birin júzege asyryp jatqan ınvestordyń quqyqtaryn qorǵady, dep habarlaıdy Aqmola oblystyq prokýratýrasynyń baspasóz qyzmeti.
Stepnogorskide prokýrorlar quny 18,3 mlrd teńgeni quraıtyn aýqymdy ınvestıtsııalyq jobanyń saqtalýyna kómektesti. Joba aıasynda 500 jańa jumys ornyn ashý josparlanǵan. Alaıda kompanııa múlkine tyıym salynyp, bank shottaryna shekteý qoıylýyna baılanysty jobaǵa qaýip tóngen.
Atqarýshylyq is júrgizý aıasynda sot oryndaýshysy kompanııanyń múlkine tyıym salyp, bank shottaryna shekteýler engizgeni anyqtaldy. Bul rette tyıym salynǵan aktıvterdiń quny óndirip alý somasynan edáýir asyp ketken. Mundaı sharalar kásiporynnyń operatsııalyq qyzmetin is júzinde toqtatyp, ınvestıtsııalyq jobanyń júzege asýyna naqty qaýip týdyrǵan.
Prokýratýranyń aralasýynan keıin ınvestordyń quqyqtary tolyq qalpyna keltirildi. Negizsiz shekteýler men tyıymdar alynyp tastalyp, jobanyń toqtap qalý qaýpi joıyldy.
Bıznesti jáne ınvestıtsııalardy qorǵaý jumystary jalǵasýda jáne erekshe baqylaýda.
Aqmola oblysynyń prokýratýrasy eske salady: eger siz ınvestor bolyp, ákimshilik kedergilerge nemese quqyqtaryńyzdyń buzylýyna tap bolsańyz, dereý 8 (705) 129-11-40 telefonyna nemese 115 Call-ortalyǵyna habarlasyńyz.
Osyǵan deıi prokýratýranyń Mańǵystaýdaǵy biregeı óndiris jobasynyń shıkizat máselesin sheshkeni týraly jazdyq.
