Aqmola oblysynda polıtseıler vandalızm jasaǵan kúdiktini anyqtady

KÓKShETAÝ. KAZINFORM – Aqmola oblysynyń polıtseıleri Uly Otan soǵysynda qaza tapqandar men Makınsk qalasyndaǵy ınternatsıonaldy-jaýyngerlerdi eske alý alańyna zaqym keltirgen vandaldyń jeke basyn anyqtady.

Esterińizge sala keteıik, Memleket basshysy Qasym-Jomart Toqaev vandalızmdi óte jaǵymsyz qubylys dep atap, qazaqstandyqtardy qoǵamdyq múlikti óz menshigi retinde qorǵaýǵa shaqyrdy.

27 mamyrda Bulandy aýdanynyń Makınsk qalasynda óreskel oqıǵa boldy: belgisiz adamdar Uly Otan soǵysynda qaza tapqan jáne Aýǵanstandaǵy soǵys jyldarynda qaza tapqan ınternatsıonaldy-jaýyngerlerdi eske alý alańynda ornatylǵan granıt plıtalaryn talqandady.