Aqmola oblysynda polıtseıler 5 adamdy janyp jatqan órt ishinen alyp shyqty
ASTANA. KAZINFORM – Aqmola oblysynda polıtseıler bútin bir otbasyn ajaldan arashalap, órttiń arasynan alyp shyqty.
Polisia.kz-tiń málimetinshe, 9 sáýir kúni saǵat 06:45-te «102» pýltine Tsentralnyı shaǵyn aýdanyndaǵy № 2B úıinen qatty tútin shyǵyp jatqany týraly habarlama kelip túsken. Qońyraý shalǵan adam órtenip jatqan páterde turǵyndar bar ekenin aıtyp, shuǵyl kómek kórsetýin surady.
Tez arada oqıǵa ornyna jetken «Ásker 5» avtopatrýli polıtsııa batalonynyń qyzmetkerleri — Dáýren Túkeev pen Esen Sapar ekinshi qabatqa kóterilip, tútinniń ortasynda qalǵan 5 adamdy syrtqa shyǵardy. Qutqarýshylar aldymen páterden 2019, 2022 jáne 2023 jyly týǵan úsh balany alyp shyqty. Keıin polıtsııa qyzmetkerleri men turǵyndardyń úılesimdi áreketteriniń arqasynda balalardyń ata-anasyna da kómek kórsetildi.
Aldyn ala málimetter boıynsha, órttiń shyǵý sebebi elektr symdarynyń qysqa tuıyqtalýynan bolǵan.