Aqmola oblysynda órtten eki adam qaza tapty
ASTANA. KAZINFORM – Aqmola oblysynyń Býrabaı aýdanyndaǵy Şýchınsk qalasynda jeke turǵyn úıden órt shyqty.
Aqmola oblysy Tótenshe jaǵdaılar departamentiniń baspasóz qyzmetiniń málimetinshe, órt 90 sharshy metr aýmaqty sharpyǵan. Oqıǵa ornyna kelgen órt sóndirýshiler qyzyl jalyndy sóndirdi.
— Órtti sóndirý barysynda qutqarýshylar úıden 1968 jyly týǵan er adamnyń jáne áıel adamnyń denesin alyp shyqty. Órttiń aldyn ala sebebi anyqtalyp jatyr, — dep atap ótti vedomstvo.
Órtti sóndirýge óńirlik Tótenshe jaǵdaılar departamentiniń 16 qyzmetkeri men 4 tehnıkasy jumyldyryldy.
Al Aqmola oblysy Polıtsııa departamentiniń baspasóz qyzmeti bul derektiń Býrabaı aýdandyq polıtsııa bóliminde tirkelgenin habarlady.
— Qazirgi ýaqytta oqıǵa ornynda polıtsııa qyzmetkerleri men arnaıy qyzmetter jumys istep jatyr. Oqıǵanyń barlyq mán-jaıy anyqtalyp jatyr, — dep qorytyndylady polıtsııa.
Buǵan deıin Atyraýda temir qabyldaý pýnktiniń aýmaǵynda eki vagon órtengen edi.
