Aqmola oblysynda orta ǵasyrlarǵa jatatyn qorymnan qola aına tabyldy
KÓKShETAÝ. KAZINFORM - Aqmola oblysynda orta ǵasyrlarǵa jatatyn Altyntaý IX qorymynda arheologııalyq qazba jumystarynyń barysynda moıynǵa taǵatyn aspaly qola aına tabyldy.
Aqmola oblysynda Mádenıet basqarmasynyń bastamasymen «Joshy Ulysynyń 800 jyldyǵy» jáne QR Konstıtýtsııa kúnine oraı arheologııalyq qazba jumystary júrgizildi.
«Qazba jumystary Zerendi aýdanyndaǵy Vasılkovka aýylynyń ońtústik - shyǵysynda, Shaǵalaly ózeniniń boıynda ornalasqan orta ǵasyrlarǵa jatatyn Altyntaý IX qorymynda júrgizilgen. Oǵan arheolog, Evrazııa ulttyq ýnıversıtetiniń arheologııa jáne etnologııa kafedrasynyń aǵa oqytýshysy Danııar Tileýqabylov, Tarıhı-mádenı murany qorǵaý jáne paıdalaný ortalyǵynyń dırektory Jasulan Úkeev, aqyn, ólketanýshy Almas Temirbaı jáne Evrazııa ulttyq ýnıversıtetiniń magıstranttary Musa Rysbergenov, Súleıman Tlekishev, Ámir Taglenov, Artýr Mýhametzıanov jáne Ózen orta mektebiniń muǵalimi Shynbolat Oralov pen oqýshylary qatysty. Qazba jumystary barysynda adamnyń súıekteri jáne moıynǵa taǵatyn aspaly qola aına tabyldy», - dedi vedomstvodan.
Aıta ketsek, budan buryn Aqmola oblysynda tasqa qashalǵan kóne artefakt tabylǵanyn jazǵan edik.
