Aqmola oblysynda órt qaýipsizdigi aılyǵy ótip jatyr
KÓKShETAÝ. KAZINFORM - Aqmola oblysynda órt qaýipsizdigi aılyǵy ótip jatyr. Jyl basynan beri óńirde 497 órt bolsa, onyń 340 jeke sektorǵa tıesili.
Aqmola oblysy TJD baspasóz qyzmetiniń málimetinshe, aılyq barysynda profılaktıkalyq is-sharalar turǵyn úı sektoryn qamtıdy jáne halyqtyń áleýmettik osal toptaryna basty nazar aýdarylatyn bolady.
«Turǵyn úılerdi aralaý barysynda elektr symdaryn, peshterdi tekserý júrgizildi, tútin murjalary tazalandy, ıaǵnı órttiń negizgi sebepterine nazar aýdaryldy. Sondaı-aq, turǵyndarymen órt qaýipsizdigin saqtaý týraly áńgimeler ótkizildi, kómirtegi totyǵynyń derbes datchıkteri ornatyldy. Óńirde 4 jyl ishinde osy qurylǵylardyń iske qosylýynyń arqasynda 21 adamnyń ómiri saqtaldy. Bul aldyn alý sharalary bir aımen shektelip qana qoımaıdy, bul tek birinshi kezeńi ǵana. Jalpy jyl basynan beri óńirde 497 órt bolsa, onyń 340-y jeke sektorǵa tıesili», - dedi vedomstvodan.
TJD baspasóz qyzmetinen atap ótkendeı, túsindirý jumystarymen aınalysyp júrgen mobıldi topty Aqmola oblysy TJD bastyǵy Qanat Dospaev ózi basqardy.
Aıta ketsek, budan buryn Kókshetaýda elektr symdarynyń qysqa tuıyqtalýyna baılanysty 70 adam evakýatsııalanǵanyn jazǵan edik.
