Aqmola oblysynda óndiris ornynda jumysshy áıeldi júk kóligi basyp ketti

KÓKShETAÝ. KAZINFORM — Aqmola oblysynda óndiris ornynda júk kóligi basyp ketken jumysshy áıel kóz jumdy, polıtsııa is qozǵady.

Aqmola oblysy PD baspasóz qyzmetiniń málimetinshe, oqıǵa Egindikól aýdanyndaǵy jergilikti óndiris ornynda bolǵan.

Bul týraly aýdandyq polıtsııa bólimine dárigerlik ambýlatorııa feldsheri habarlap aıtqan.

Anyqtalǵandaı, JShS aýmaǵynda Túrkistan oblysynyń 57 jastaǵy turǵyny basqarǵan júk kóligi burylý kezinde jumysshyny abaısyzda basyp ketken.

Áıel alǵan jaraqatynan sol jerde qaıtys boldy.

«Osy derek boıynsha sotqa deıingi tergeý bastaldy. Sot-medıtsınalyq saraptama taǵaıyndaldy, memlekettik eńbek ınspektory tekseris júrgizip jatyr», — dedi vedomstvodan.

Aıta ketsek, budan buryn Aqmola oblysynda sý qubyryn tartyp jatqan jumysshyny topyraq basyp qalǵanyn jazǵan edik.