Aqmola oblysynda oqýshyny urǵan muǵalim jumystan ketti
Aqmola oblysy Arshaly aýdanynyń Jibek joly aýylynda oqýshyny urǵan muǵalim jumysynan shyǵaryldy, al mektep dırektory tártiptik jazaǵa tartyldy, dep habarlaıdy QazAqparat tilshisi.
Aqmola oblystyq bilim basqarmasynyń málimetinshe, I.Qutpanuly atyndaǵy mektepte bolǵan oqıǵa boıynsha búgin, 5 qazanda pedagogıkalyq ádep keńesi ótken.
Onda mekteptiń tarıh páni muǵaliminiń teris qylyǵy qaralǵan.
«Keńes mektep dırektoryna ádepsiz teris qylyq jasaǵany úshin osy jumysty jalǵastyrýǵa sáıkes kelmeıtin muǵalimdi qyzmetinen bosatýdy usyndy. Tarıh pániniń muǵalimi Qazaqstan Respýblıkasynyń Eńbek kodeksi negizinde jumystan bosatyldy. Mektep dırektory mektep muǵaliminiń pedagogıkalyq etıka normalaryn saqtaýyn jetkiliksiz baqylaǵany úshin tártiptik jaýapkershilikke tartyldy», — dedi vedomstvodan.
Aqmola oblystyq PD baspasóz qyzmetinen atap ótkendeı, osy oqıǵaǵa baılanysty Qylmystyq kodekstiń 140-baby 2-bóligi boıynsha sotqa deıingi tergep-tekserý qolǵa alynǵan.
«Sotqa deıingi tergeý sheńberinde tıisti saraptamalar taǵaıyndaldy. Qylmystyq protsessýaldyq kodekstiń 201-babyna sáıkes ózge aqparat jarııalanbaıdy», — dedi PD baspasóz qyzmetinen.
Aıta ketsek, budan buryn Aqmola oblysynda jumysshyny urǵan ákim jazaǵa tartylǵanyn jazǵan edik.