Aqmola oblysynda «Nurly jer» baǵdarlamasynyń qarjysy jymqyrylǵan
ASTANA. KAZINFORM – Aqmola oblysynda «Nurly jer» baǵdarlamasynyń 152 mln teńgesi qoldy bolǵany anyqtaldy. Bul týraly QR Qarjylyq monıtorıng agenttiginiń baspasóz qyzmeti málim etti.
Baspasóz qyzmetiniń málimetterine qaraǵanda, Qarjylyq monıtorıng agenttiginiń Aqmola oblysy boıynsha departamenti prokýratýranyń úılestirýimen áleýmettik osal toptardyń turǵyn úı kezegin qysqartýǵa baǵyttalǵan «Nurly jer» memlekettik turǵyn úı qurylysy baǵdarlamasyn iske asyrýǵa bólingen bıýdjettik qarjyny jymqyrý faktisi boıynsha tergeýdi aıaqtady.
2020 jyly «Qurylys bólimi» memlekettik mekemesi men «NIKS Injınırıng Grýpp IV» JShS arasynda qurylys salasynda memlekettik satyp alý jumystaryna 500 mln teńgeden astam somaǵa kelisimshart jasalǵan.
Alaıda merdiger 3 jyl boıy qurylys bólimi basshysynyń kómegimen is júzinde oryndalmaǵan, kólemi men quny ósirilgen jalǵan qabyldaý aktilerin bergen.
Zańsyz áreketter nátıjesinde 152 mln teńge kóleminde zııan keltirildi.
Sot sanktsııasymen kúdiktilerdiń 100 mln teńgeden astam quny bar múlkine qol qoıyldy.
- Merdigerge qamaýda ustaý túrindegi bultartpaý sharasy tańdaldy. Qylmystyq is sotqa jiberildi. Qazaqstan Respýblıkasynyń Qylmystyq protsessýaldyq kodeksiniń 201-babyna sáıkes basqa aqparat jarııalaýǵa jatpaıdy,-delingen habarlamada.
Osyǵan deıin QMA Jetisý oblysynda turǵyn úı qurylysy kezinde qarjy jymqyrý deregin tekserip jatqany týraly jazdyq.