Aqmola oblysynda naızaǵaı soǵyp, bir bala qaza tapty, ekinshisi jaraqat aldy

ASTANA. KAZINFORM — Aqmola oblysynda eki balaǵa naızaǵaı túsip, saldarynan bir bala qaza taýyp, ekinshisi dene jaraqatyn aldy, dep habarlaıdy Kazinform agenttiginiń tilshisi.

Qaıǵyly oqıǵa 2025 jylǵy 20 tamyzda Aqmola oblysynyń Birjan sal aýdanyna qarasty Úlgi aýylynda bolǵan. Bul týraly Aqmola oblystyq polıtsııa departamentiniń baspasóz qyzmeti málimdedi.

Vedomstvonyń málimetinshe, 10 jastaǵy bala kóz jumyp, 15 jastaǵy jasóspirim jaraqat alǵan. Oqıǵa ornyna shuǵyl qyzmetter dereý jetken.

Atalǵan fakti boıynsha Birjan sal aýdandyq polıtsııa bólimi Qylmystyq kodekstiń tıisti babymen sotqa deıingi tergep-tekserýdi bastaǵan. Qazirgi tańda polıtsııa oqıǵanyń barlyq mán-jaıyn anyqtap jatyr.

Osyǵan deıin 3 tamyzda Jetisý oblysy Eskeldi aýdanyna qarasty Aqynysaryn aýyldyq okrýginiń taýly aýmaǵynda mal baǵyp júrgen eki azamatqa naızaǵaı túskeni anyqtaldy.

Osyǵan uqsas jaǵdaılar álemniń túkpir-túkpirinde bolyp jatyr. Jaqynda Úndistannyń shyǵysynda naızaǵaı soǵýynan 33 adam qaza tapqanyn jazǵan edik.