Aqmola oblysynda mototsıkl tizgindegen jasóspirim 8 jasar balany qaǵyp ketti

KÓKShETAÝ. KAZINFORM – Aqmola oblysynda mototsıkl tizgindegen jasóspirim kishkentaı balany qaǵyp ketti. Saldarynan 8 jasar búldirshin aýrýhanaǵa tústi. 

Oblystyq PD baspasóz qyzmetiniń málimetinshe, oqıǵa Birjan sal aýdanynyń Bulandy aýylynda bolǵan. Memlekettik tirkeý nómiri joq «Sonlink» mototsıkline ruqsatsyz otyrǵan aýyldyń kámelettik jasqa tolmaǵan turǵyny velosıpedtegi balany qaǵyp ketti.

«Jol-kólik oqıǵasy saldarynan 8 jasar bala túrli dene jaraqtymen Makınsk qalasynyń ortalyq aýdandyq aýrýhanasyna jatqyzyldy. Polıtseıler kólik quraldaryn basqaratyn adamdardyń jol qozǵalysy nemese kólik quraldaryn paıdalaný erejelerin buzýy boıynsha sotqa deıingi is júrgizýdi bastady, - dedi vedomstvodan. 

Aıta ketsek, jyl basynan beri Aqmola oblysynda mototsıkl júrgizýshileri 70-ke jýyq jol qozǵalysy erejesin buzǵan. 

Eske salaıyq, budan buryn Aqmola oblysynda jol apatynan 15 jastaǵy jasóspirim kóz jumdy.